مشروع بيزنس ناجح جدا جدا ، البيتكوين من .0001 $ إلي 10.000 دولار وأكثر
تكنوبلوج تكنوبلوج
اخبار الاندرويد

أندرويد

اخبار الاندرويد
مرحبا بك في موقعك ! :) .. للبحث عنا من جوجل يمكنك كتابة "تكنوبلوج" أو "Tknobloog" ! لا تنس جعل الموقع الصفحة الرئيسية لمتصفحك! :)
تكنولوجيا
جاري التحميل ...

السلام عليكم ، أتمني منكم أحبائي إن أعجبتكم المقالة دعمنا بتعليق محفز!!

ومشاركة المقالة مع أصدقائك لتعم الفائدة علي الجميع

مشروع بيزنس ناجح جدا جدا ، البيتكوين من .0001 $ إلي 10.000 دولار وأكثر

من فترة كنا كلنا بنتابع الصعود والهبوط للدولار لكن دلوقتى بقينا نتابع الصعود والهبوط لعملة البيتكوين ومعدلات الصعود فى البيتكوين معدلات رهيبه!!
واللى اصبحت مشروع بيزنس ناجح جدا جدا لانك ممكن تكسب بمعدل 2000 دولار فى الشهر الواحد
واكثر كمان بس عشان تدخل المجال ده مش بالسهولة اللى انت متخيلها
وعشان كده حبينا نسلط الضوء على العملة دى ونكتب عنها فى تكنوبلوج .

تعريف البيتكوين؟

البيتكون عبارة عن عملة الكترونية افترضية مشفرة وهنا مش افتراضية بالمعنى الحرفى ولكن هى ملهاش اى وجود مادى زى باقى العملات التانيه زى الدولار والجنيه المصرى ، والعملة دى بيتم تداولها على الانترنت فقط ومفيش اى حد ليه سلطة عليها زى البنك المركزى مثلا.

نشأة البيتكوين:

فى سنة 2009 اخترع البيتكوين واحد مجهول الهوية اسمه ساتوشى ناكاموتو ولكن السنة اللى فاتت طلع رجل الاعمال الاسترالى كريغ رايت وصرح لقناة BBC البريطانية انه هو اللى اخترع البيتكوين . نصدق مين احنا بقى فيهم

التفاوت الرقمى الرهيب للبيتكوين:

فى مطلع ظهور البيتكوين قيمة 1 بيتكوين كانت تساوى 0.001 دولار ولكن حتى كتابة هذه المشاركة  1بيتكوين تساوى 11095.4 دولار وما زالت قيمتها السوقية فى ارتفاع.
طيب حلو الكلام عايز استثمر فلوسى فى البيتكوين طالما هى مشروع ناجح كده؟
بص ياسيدى الموضوع ده مش بالسهولة اللى انت متخيلها الا كنت دخلت فيه قبلك !!

تعدين البيتكوين؟

تعدين التكوين البيتكوين هنا بمعنى استخراجه او تكوينه ، ازاى اعمل بيتكوين بقى؟
لو اخدنا الذهب مثلا كمثال عشان نستخرجه من الارض بتجيب معدات معينة زائد الطاقة البشرية عشان نقدر نطلع الذهب من الارض وده اللى بيحصل فى منجم الذهب .
على غرار الذهب هنقدر نستخرج البيتكوين بس باختلاف الطريقة وهنا هستخدم معدات وبرامج مخصصة لفك الشيفرات والعمليات الحسابيه المعقدة .
   يعنى لو استخدمت جهاز الكمبيوتر بتاعى ونزلت البرامج دى اقدر اعمل بيتكوين؟
-ايوه تقدر بس عشان تعمل بيتكوين واحده ده محتاج وقت ومجهود جبار زائد ان جهازك مش هيستحمل اصلا وهتسحب كهربا جامده جدا وممكن يضرب منك فى الاخر.

طيب وايه الحل؟

-الحل كالاتى:
1-يكون معاك أجهزة ذات معالجات سريعة مثل الحواسيب الحديثة أو السيرفرات التي تستخدمها الشركات الكبرى.
2-تشترى أجهزة تصنع حاليا مخصوص لتعدين البيتكوين زى USB Asic Miner/ASIC Bitcoin Miners/ASIC Bitcoin Miners.
3-تستعين بالخدمات الافتراضيه Virtual private server vps، او تاجر الخدمة من مواقع معينة بتوفرلك اجهزه مخصوص للتعدين مقابل سعر معين لفترة ما.
لو موضوع التعدين ده صعب عليك يبقى توفر على نفسك و تشوفلك كده اكتر من ربع مليون جنيه عشان تشتريلك بيتكوين واحده.

تداول البيتكوين:

عشان تقدر ترسل او تستقبل بيتكوين لازم يكون معاك محفظة وده معناها انك يكون معاك حساب على احد مواقع تخزين البيتكوين واللى بتهسل عليك تداول البيتكوين واحد اشهر
المواقع دى موقع blockchain.info

كيفية الارسال والاستقبال؟

فى حياتنا العادية لما بنحب نحول فلوس لحد على بنك مثلا بتكتب رقم حساب المرسل اليه وتحط الفلوس اللى عايز ترسلها وتدوس ارسال …. كذلك نفس الحال فى البيتكوين كل محفظة بيكون ليها سيريال مختلف عن التانى فلما تيجى عايز تبعت بيتكوين لحد بتاخد رقم المحفظة بتاعته وتبعتله قيمة البيتكوين اللى انت عايزها.

مميزات البيتكوين :

1-الرسوم المنخفضة و السرعة: لان مفيش وسيط بينك وبين المرسل اليه عشان ياخد رسوم التحويل زى البنك وما هى الا مجرد كود عملة بيخرج من محفظه بيدخل محفظة تانية فى البيتكوين.
2-السرية والخصوصية: عمليات البيع و الشراء لا يمكن مراقبتها.
اللامركزية : لا ترتكز على مكان معين بعينه ويمكن تدوالها من اى مكان فى العالم ولا
يوجد اى نوع من السيطره عليها من قبل البنوك المركزيه او الحكومه.

عيوب البيتكوين؟

1-ليس لها اى رابط ويمكن من خلالها تمرير عمليات مشبوهة.
2-مع الارتفاع الرهيب لقيمة البيتكوين اصبح اقتناءها مقتصر على فئه معينة يعنى عشان تشترى بيتكوين واحده محتاج فوق الربع مليون.
3-فرضية العملة خلاها عرضة للاختراق ولسه من فترة صرحت CNN انه تم سرقة حوالى 70
رابط الخبر من هنا
علشان تتابع سعر البيتكوين تابعها من خلال الموقع ده إضغط هنا
 

التعليقات


جميع الحقوق محفوظة

تكنوبلوج

تم التطوير بكل

بواسطة :

فريق تكنوبلوج